Hiej bön ich dan: Bacchus 2011. Jean Cox, 46 jaor .
Al jaore getrouwd mit Roos en same höbbe veer twee zeunkes Jules en Max.
Het is neet veur nieks dat oetgeraekend ich in 2011 Bacchus waer. Gekker kint ‘t namelik neet: es gerenemmeerd Uulelid waer ich mich Bacchus. Zèk erelik, gekker mót ‘t neet waere.
Gebaore op ‘t Wilhelminaplein in Remunj. Of Bacchus dao biej waas kin ich mich neet meer herinnere. Waat waal ein feit is det ‘t vastelaovesblood van kop toet teen door mich haer sjtroump. In ‘t wiekend kint geer det good zeen maar doordewaek zeen veer gedreve óngernaemers. Veer reize elke daag van Remunj nao Mesjtreech nao sjlechteriej ‘Van Melik du Chef’ en weer trök om get sjpek oppe bótteram te kriege.
Verder vul ich mien vriej uurkes in es waterpolotrainer en es besjtuurslid van de Remunsje zjwumvereniging RZ.
Es geer nog get meer van mich wilt weite, dan kint geer mich elke zaoterdaag vanaaf ein oer of zes kómme opzeuke biej Jan en Mia van kefee De Chevalier. Ónger ‘t genot van ein lekker pilske beantjwaord ich dan uch branjende vraoge.
Mien adjudante höb ich neet zelf oetgezoch, die höbbe zich namelik biej mich opgedronge!!!
Ff veursjtelle…..
Schweino und die zwei lustige….funf!!!!!!!!
Schweino……. Chrit Beurskens,
geer wèt waal, dae mit die gael sjponchbob bös door Remunj sjäört……….
Aad Bacchus 1994, Bob de Bouwer, Rapper, Daddy Cool en pap. Dit zaet genog waorom ich hem neet höb oetgezóg.
Die erste lustige…..Esther Verhagen.
Ein ech vastelaovesdeer. In de kroeg gebaore op Asselegoonsdaag in Gelaen Waggelt en in Remunj zien groote leefde gevonje.
Esther is opleidingsadviseur veur Tina truckers en ruige binke. Verder drink ‘t sjoes (es ‘t maar väöl is), is ‘t mam,
haet maar 11 aantal hyves vrunj en is neet zo leef es ‘t zich veurduit, kórdóm ein ech Ingelke veur Bacchus.
Die zweite lustige……Jenny Buijks.
In Remunj gebaore en getaoge. Shopaholic eerste klas mit motto: “es de pruuk mer good zit”.
Jenny is auch mam, drink gaer ein dreug wit wienke mit ies, gein lid van de raod van ellef, maar lid van de raod van besjtuur.
Es ‘t häör neet zint, is ‘t des duuvels, kórdóm ein ech duuvelke veur Bacchus
En die funf…….det is ein verrassing veur later.
En toet sjloet miene sjpreuk van dit jaor:
Ich gaon veur gein verke aan de kantj
Waas geteikend,
Jean I, Bacchus 2011
Speak Your Mind